மக்கள் ஆணையை மீறிய பின்னணியில் ஜனாதிபதி தேர்தல் நியாயமானதா? – சம்பந்தன்

0 14

நாட்டுக்கு தற்போது அவசரமாக தேவைப்படுவது புதிய அரசியலமைப்பே தவிர, ஜனாதிபதி தேர்தல் அல்ல என தமிழ்த் தேசிய கூட்டமைப்பின் தலைவர் இரா. சம்பந்தன் தெரிவித்துள்ளார்.

ஐரோப்பிய ஒன்றியத்தின் ஜனநாயகம் மற்றும் தேர்தல் கண்காணிப்பு கொள்கை அதிகாரி ரிக்கார்டோ செலரி மற்றும் அரசியல் வர்த்தகம் மற்றும் தொடர்பாடல்களுக்கான பிரதி தலைவர் ஆன் வாகியர் சட்டர்ஜி தலைமையிலான குழுவினர் தமிழ்த் தேசிய கூட்டமைப்பின் தலைவர் சம்பந்தனை கொழும்பில் இன்று சந்தித்து கலந்துரையாடினர்.

இதன்போது, குறித்த உறுப்பினர்களுக்கு நாட்டின் நிலவரம் தொடர்பாக தெளிவுபடுத்திய இரா. சம்பந்தன், “1994ஆம் ஆண்டிலிருந்து நாட்டு மக்கள் தொடர்ச்சியாக 25 வருடங்களாக நிறைவேற்று ஜனாதிபதி முறைமையை ஒழிப்பதற்கு ஆதரவாகவே தேர்தல்களில் தீர்ப்பளித்திருக்கிறார்கள். இந்த பின்னணியில், இன்னுமொரு ஜனாதிபதி தேர்தலை நடாத்துவதென்பது மக்கள் ஆணையை மீறுகின்ற ஒரு கபடச் செயலாகும்.

“எனவே, தற்போது ஆராயப்படவேண்டிய விடயம், மக்கள் ஆணையை மீறுகின்ற இந்த நடவடிக்கையில் பங்குபெறுவதா என்பதும், மேற்குறித்த பின்னணியில் தேர்தல் நடைமுறையானது நியாயபூர்வமானதா என்பதுமேயாகும்.

“கடந்த ஜனாதிபதி தேர்தலில் 90 வீதத்துக்கும் அதிகமான மக்கள் ஒரு புதிய அரசியல் யாப்புக்கு ஆதரவாக வாக்களித்திருந்தார்கள். அதன் விளைவாக, பாராளுமன்றத்தில் ஒரு பிரேரணை ஏகமனதாக நிறைவேற்றப்பட்டு, புதிய அரசியலமைப்புக்கான பணிகள் முன்னெடுக்கப்பட்டன.
ஆனால், தற்போது அவை அனைத்தும் கிடப்பிலே போடப்பட்டுள்ளன. 1988ஆம் ஆண்டு கொண்டுவரப்பட்ட 13ஆவது திருத்தச்சட்டத்துக்கு பின்னர் கடந்த 30 வருடங்களாக புதிய அரசியலமைப்பு தொடர்பாக பல்வேறு முயற்சிகள் மேற்கொள்ளப்பட்டன, அதன் விளைவாக பல்வேறு தீர்வு திட்டங்கள் முன்மொழியப்பட்டன. ஆனால், அவற்றுள் எதுவும் முன்னெடுத்து செல்லப்படவில்லை. எனவே, தற்போது நாட்டுக்கு முக்கிய தேவையாக உள்ளது ஒரு ஜனாதிபதி தேர்தல் அல்ல மாறாக, ஒரு புதிய அரசியலமைப்பே” என சம்பந்தன் தெரிவித்துள்ளார்.

Leave a reply

Your email address will not be published. Required fields are marked *

Nazhikai International Tamil Newsmagazine
ISSN 1357-6933
Tel: 00 44 208 422 5699
Fax: 00 44 208 728 2334
Email: pannews@hotmail.co.uk
Editorial: editor@nazhikai.com / letters@nazhikai.com
Annual Subscription (12 issues):
UK £22.00
Europe £30.00
Canada $30.00
India Rs200.00
All Other Countries £35.00
Payable to Pannews Limited
Canada:
880 Ellesmere Road,
Suite 204, Toronto,
ON. M1P 2W6
Tel: 416 613 2770
Editor: S Mahalingasivam
Published by: Pannews Limited 123 Twyford Road Harrow Middx HA2 0SJ